 |
||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
|
|
Photos trovate de GodeIn general, le photo-documentation del historia de interlingua non es grande. Ma de tempore in tempore nove material appare. Per Thomas Breinstrup Quando on se occupa con le historia de interlingua, on pote sovente esser surprendite quanto difficile il es trovar photo-documentation de personas, de locos etc. Mesmo si photographias esseva plus costose ante solmente poc annos, le cameras photographic non esseva rar. Totevia, il es rar que photos ancian appare, e pro isto nos es ancora plus felice cata vice que nos pote demonstrar los ci in le section historic de interlingua. Iste estate (2005), Stanley Mulaik, qui es le presidente del Societate American pro Interlingua e esseva active pro interlingua anque in le annos sexanta, faceva un discoperta interessante: "In cercar alcun vetere photographias mie io ha discoperite iste photographias de Dr. Gode a su bureau e su casa in Croton-on-Hudson, New York, in 1961. Le photographia de Dr. Gode le monstra sedite a su machina a scriber IBM traducente abstractos pro jornales medic. Su bureau esseva in le edificio de 80 East 11th Street, Nove York Citate. Le photographia de su casa esseva de circa februario 1961, quando io ha visitate su casa. Lo que es significante de iste casa es que illo esseva construite de un stabulo que esseva le prime stabulo de beton infundite in Nove York in circa 1850," narra Stan Mulaik.
Revidite: 2006-12-29 |
|
|||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
| |
||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
||||||||||||||||||||||||||||||||||||||||||||||||||||||||||||||||||||||||||
