|
 |
Mi prime contacto
con interlingua
Panorama ha demandate a un serie de usatores de interlingua, como esseva lor prime contacto con le lingua. Lor narrationes es instructive, a vices curiose, surprendente e amusante.
(Publicate in Panorama in Interlingua, septembre-octobre 2002)
SIMONA SUNEL (Romania), presidente del Association Romanian
pro Interlingua:
In 1997 io e Florin (su sposo, red.) ha comenciate participar super alicun listas re lingua latin. Un die nos ha recipite un message estranie, qui semblava esser un sorta de lingua latin "nove".
"Que es isto?" esseva le prime question que ha venite in nostre mentes. Le responsa ha arrivate tosto ab un homine multo gentil,
Jan Årmann (Svedia). Pois nostre contacto se ha cambiate in un amicitate meraviliose. In le mesme anno nos ha essite invitate al Conferentia de Interlingua in Strasbourg, ubi nos ha essite accompaniate del plus vetere interlinguista,
Toma Macovei. Hic nos ha incontrate homines multo amabile, qui nos ha adjutate multo e ha entrate in nostre vita como amicos multo car. Gratias, Interlingua, pro iste dono meraviliose: le amicitate de homines tam preciose!
Anque Ruxandra, nostre filia, qui es un puera de sex menses, va apprender Interlingua multo tosto!
Revidite: 2006-12-29 |
|
|
