12-nde Incontros Brasilian de Interlingua

12-nde Incontro Brasilian de Interlingua - INTERCON
31 de julio a 01 de augusto
Belo Horizonte-MG (Stato Minas)

Informationes General

per Ramiro de Castro, Brasília-DF

Belo Horizonte se situa in le centro del Stato Minas e actualmente es un metropole de circa 2,5 milliones de habitantes. Minas face parte del region sudest brasilian.

Le urbe es 490 km al nordwest de Rio de Janeiro e durante le mense de julio il face frigido, tamen le temperaturas es variabile inter 22 – 7º C.

Vos pote attinger Belo Hozironte per auto, per bus o avion. Il existe ligationes rodoviari con tote altere capitales (statal, provincial) brasilian.

Le cultura local es ric in traditiones con multe festas religiose e gastronomia sur base de dulces de omne typos.

In le economia le Stato Minas es famose, desde le epocha colonial, ex su explorationes mineral (auro, ferro, petras preciose, etc). Actualmente Minas ha circa 19 milliones de habitantes.

Proxime al capital – BH – existe le citate Betim ubi se situa le fabrica de automobiles FIAT (italian), distribuite a tote le pais e extero.

In comparation a Brasilia e S. Paulo, ubi le precios es plus alte, in BH uno trova precios basse e mesmo popular.

Dominica nos va dedicar a un promenada transurban sub un inspiration touristic.

ORIENTATIONES

A causa de un certe retardo pro le information e divulgation del 12-nde INTERCON, nos decideva realisar lo durante a pena duo dies.

PROGRAMMA OFFICIAL

Le objectivo primordial del incontro es justo pro discuter subjectos de summa importantia pro le organisation e reinitiation de alcun labores del UBI:

* Sabbato, 31 de julio:

8:00/9:00h – jentaculo

9:00/9:30h – Apertura Official del INTERCON a) le Presidente del UBI da le benvenitas a tote participantes; b) lectura del messages electronic o correspondentias del interlinguistas estranier e brasilian; c) breve historico de interlingua, su fines etc.

9:30/10:30h – Como reactivar le servicio de libros, assi que uno pote comprar libros, grammaticas, dictionarios, etc. Formas de pagamento e travalio commercial de vendita e transferentia monetari es vital! 

10:30/10:45h – pausa pro le caffe

10:45/12:00h – discussion aperte super le Cursos de Interlingua. Como motivar le apprendentes a continuar verso nivellos plus alte: elementari, basic, intermediari, avantiate e professoral? Cursos date electronicamente – pros e contras!

12:00/14:00h – lunch

14:00/15:00h – Cassa del UBI. Le Tresorero monstra a tote presentes nostre reporto financiari. 

15:00/16:00h – Movimento de Divulgation. Como reactivar ex-associatos? Como eveliar interesse pro nove representantes? INTERNOVAS, que manca ameliorar? Que pensa vos super formato electronic del informativo? Como multiplicar nostre associatos? Qual ideas e activitates concrete es apte pro diffunder plus interlingua in Brasil e in America del Sud?

16:00/16:15h – pausa

16:15/17:30h – Examines de Banca. Al mesme tempore il habera un parve conversation super factos interessante e amusante in viages national e international de interlinguistas brasilian.

17:30h – Clausura conferential

* Dominica, le prime de augusto

8:00/9:00h – jentaculo

9:00/12:00h – promenada transurban

12:00h – lunch del adeo

On comencia a partir de retorno a su citates.

Revidite: 2006-12-29
 

Redaction: Th. Breinstrup, Ingvar Stenström e Jesper Olsson
Copyright © 2001-2007 Union Mundial pro Interlingua