Reclamo pro le "Interlingua-English Dictionary"
Le "Interlingua-English Dictionary" (Dictionario
interlingua-anglese, IED) es le fundamento de interlingua. Illo esseva
le prime obra que appareva in/super interlingua. Isto occurreva in
1951, quando le International Auxiliary Language Association (IALA)
habeva finite su labor durante 27 annos - desde 1924.
Secundo informationes del american Officio de Derectos de
Autores, le "Interlingua-English Dictionary" esseva registrate le 15 de
januario 1951, e isto es le ration que on desde 1992 ha celebrate iste
data sempre como le Die de Interlingua.
Il ha essite difficile trovar in le archivos, si le dictionario de
facto appareva a exactemente iste die, ma un folietto-reclamo ora
monstra que le IED appareva in januario 1951.
Le reclamo veni del casa editorial Storm Publishers que publicava e le "Interlingua-English Dictionary" e
le "Interlingua - a grammar". Del folietto on vide que le prime edition
costava 5,00 dollars, e que un edition de exportation costava 3,00
dollars.
(Clicca per le button sinistre del mus e selige "Aperi imagine" pro vider lo in formato plus grande.)
In un parve brochure del IALA in anglese - sin data - Mary Connell Bray, director executive del IALA, describe le labor de IALA.
(Clicca per le button sinistre del mus e selige "Aperi imagine" pro vider lo in formato plus grande - e legibile.)
Revidite:
2012-10-09
|
