Le 25e conferentia international de interlingua in julio e augusto se approxima. Le preparationes es in plen activitate. Ecce un supervista actual. Gaude te!

UMI 25e conferentia international de interlingua  Ecce un supervista actual del 25e conferentia international de interlingua:

■ PRESENTIAL E DIGITAL: Le 25e conferentia essera hybride, pro facilitar le interaction human e le participation mundial, e como sempre, totalmente in interlingua. Le datas es inter sabbato le 29 de julio e venerdi le 4 de augusto 2023.

■ INSCRIPTION NECESSARI: Le participation in forma presential es multo economic. Le participation in forma digital es gratuite, ma on debe inscriber se pro obtener le contrasigno pro accesso. Omnes debe participar con lor nomines normal, nulle pseudonymos. Reguarda www.interlingua.com pro tosto poter inscriber te.

■ SESSIONES HYBRIDE: Le conferentia de interlingua habera al minus un session hybride per die, inter dominica le 30 de julio e mercuridi le 2 de augusto 2023.
• 14:00-15:15 UTC (16:00-17:15 CEST, 10:00-11:15 EDT)

■ LE PROGRAMMA PROGREDE: Le programma es sub planification intense. Le labor de coordination pro assecurar un programma variate e excitante es comprehensive. Detalios essera tosto publicate in www.interlingua.com – visita lo de tempore in tempore pro leger novas. Multes ha contribuite con bon propositiones a punctos concrete. Ora le arrangiatores labora con le grande puzzle a publicar tosto in le grande lineas. Certo il habera adjustamentos; anque illos essera publicate regularmente in le pagina conferential.

■ GAUDE TE!: Gaude te e sia positive, quando tu participa, assi que le experientia e le resultatos essera optimal, e que omnes senti esser in compania agradabile e creative.

Visita le pagina con le conferentias international de interlingua.