Le nove conto bancari functiona ora - ecce le informationes necessari pro pagar.

UMI  Le Union Mundial pro Interlingua (UMI) ha finalmente establite un nove conto bancari, assi que le pagamentos al UMI facilemente pote esser facite de novo.

Le nove conto bancari ha essite establite con La Banque Postale in Francia. Ecce le informationes necessari pro poter pagar al UMI pro i.a. abonamentos de Panorama in interlingua o altere servicios:

  • Numero IBAN: FR40 2004 1010 1113 8119 5H03 275
  • Numero BIC (identification international del banco): PSSTFRPPNTE
  • Adresse del receptor: Union Mundial pro Interlingua, La Banque Postale, Centre Financier, F-44900 Nantes Cedex 9, Francia

Durante un periodo de circa un medie anno, le Union Interlinguista de Francia ha temporarimente administrate le economia del Union Mundial pro Interlingua. Le ration esseva que le banca nordic Nordea, ubi le UMI durante multe annos habeva su conto bancari, non plus desirava clientes international e assi habeva cancellate le conto del UMI. Le establimento de un nove conto in un nove banca ha durate plus de tempore que expectate, ma finalmente le nove conto functiona. Le UMI regratia le Union Interlinguista de Francia pro le assistentia temporari.