Le horror altissime (Sir Arthur Conan Doyle)

   Sir Arthur Conan Doyle (1859-1930) ganiava su fama primarimente gratias a su aventuras de Sherlock Holmes e dr. Watson. Ma ille etiam scribeva romanes historic e novellas de horror.

Iste narration pertine al ultime categoria, proque illo es un thriller de aviation e science fiction. Sir Arthur lo scribeva in 1913 e alcun indicios intra illo – p.ex. le phrase »aviones ora ha existite pro plus de vinti annos« – indica que su eventos debe haber loco in circa 1925, le fratres Wright habente exequite le prime volo per avion in 1903. Su aviation era vermente futuristic tunc, ben que un lector de novanta annos postea naturalmente trova plure errores aeronautic, meteorologic e zoologic. Ma placia berillos edwardian super tu naso, oblida temporarimente nostre mundo moderne e etiam tu experira que le narration ancora retene su potentia de excitation.

»Le horror altissime« ha essite traducite eminentemente in interlingua per Anders Blixt, Svedia.