 |
||||||||||||||||||||||||||||||||||||||||||||||||||||||||||||||||||||||||||||
 |
||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||
|
|
 Felicemente
le policia
|
||||||||||||||||||||||||||||||||||||||||||||||||||||||||||||||||||||||||||
Vesperes |
Le vesperes de interlingua in 2001 habera loco a Nyboder
Skole, Øster Voldgade 15, 1350 København V (justo vicin al station de Østerport) in
local 107: |
Esseva bon que le policia non appareva. E, francamente dicite, esseva bon que veniva solmente cinque alumnos.
Le multe passantes certo se ha meraviliate. Ante le porta claudite al Schola de Nyboder (Nyboder Skole) in le ver centro de Copenhagen esseva parcate un Skoda blanc. Le fenestras coperite per ros esseva absolutemente claudite, e ab le interior del auto le risos sonava. Alcuno poterea haber contactate le policia, ma isto non occurreva.
Felicemente, nam intra le Skoda esseva arrangiate le vespere de interlingua! Cinque personas legeva historias facetiose super le populo jutlandese, le molbos, considerate un poco folle, durante que on mangiava biscuits e bibeva le the e caffe vaporantemente calide ab le cuppas.
Le communa de Copenhagen habeva ponite a disposition le local 107 al schola - ma solmente non habeva inserite in le computator que iste ultime martedi del mense esseva le septimana justo avante le Pascha. E pro isto le schola esseva claudite. Serrate. Inaccessibile.
E pois que le gente habeva venite, malgrado le vacantias paschal del schola, le tresorero del DIU, Levi Pedersen, gentilmente poneva a disposition su Skoda pro le duo horas a venir.
Le vesperes de interlingua al Schola de Nyboder ha durate desde 1992 - totevia non desde iste vespere in 1994 essite arrangiate in un maniera talmente non-traditional. Le vesperes ha essite le fonte a multe bon initiativas, e illos ha essite copiate plus tarde a Stockholm in Svedia.
Un curso fulmine in interlingua in 1992 fundava le vesperes de interlingua. Le 21 de januario, le 4 e 18 de februario e le 3 de martio esseva arrangiate al Gymnasio Kildegård (Kildegård Gymnasium) al nord de Copenhagen quatro vesperes pro apprender le regulas basic de interlingua, ascoltar discursos super interlingua e vider films a video in interlingua. Le participation esseva gratuite, e illo deveniva un successo si grande que le participantes post le quatro vesperes desirava continuar con interlingua. Pro isto on se incontrava privatemente le 28 de april a 20 horas presso Bitten Aldus, membro del DIU, in su appartamento in Dannebrogsgade 55, I th. in Copenhagen, multo vicin al station central. On comenciava le 26 de maio.
Le 25 de augusto 1992 comenciava alora le vesperes de interlingua al ultime martedi de cata mense, con exception de junio-julio-augusto (ubi le scholas ha vacantias estive) e - durante le prime plure annos - anque non in decembre, proque le ultime martedi esseva illo inter Natal e le Anno Nove.
Cata vice on se incontra inter 19 e 21 horas pro apprender interlingua, excambiar bon ideas pro nove initiativas que pote promover interlingua, e pro conversar in danese e interlingua. On anque excambia novas, vide le nove libros e magazines que ha apparite etc. Il ha caffe e the e parve tortas - e a causa del numero de tassas le secretario del DIU sempre ha amate esser informate del numero de participantes in avante.
Redaction:
Th. Breinstrup, Ingvar Stenström e Jesper Olsson
Copyright © 2001-2007 Union Mundial pro
Interlingua