Le jornal regional Hallandsposten de Svedia publica le 12 de maio un grande portrait de duo motores de interlingua - e de multe altere cosas - Gunaino e Bengt Enqvist. "Illes ha sempre mantenite lor ideales - Bengt e Gunaino crede in pace e solidaritate international", dice le rubrica del grande articulo illustrate. Bengt Enqvist, qui es le vice-presidente del Societate Svedese pro Interlingua (SSI), narra i.a. del valores que interlingua ha. Le jornal publica le adresses de Internet del Union Mundial pro Interlingua e del SSI.
