Radio Interlingua71e podcast, septembre 2024. Contento: Interlingua ha un grande litteratura. Nove libros in interlingua es publicate currentemente – anque libros digital e audiolibros. In duo emissiones Radio Interlingua presenta un selection de titulos fascinante, excitante e interessante pro dar te inspiration a explorar le grande catalogo e seliger alcun bon libros. Isto supporta le publication de nove titulos in interlingua, e tu ameliora tu uso de interlingua e augmenta tu vocabulario. - Libros presentate in iste emission: ”Robinson Crusoe scribite de novo pro infantes”, ”Le torno del mundo in octanta dies”, ”Pinocchio”, ”Tres contos per Selma Lagerlöf”, ”Interlingua pro infantes”, ”Le anno – 12 menses in photos e parolas”, ”Septe contos de Hans Christian Andersen”, ”Arsène Lupin – le fur gentilhomine”, ”Cinque aventuras de Sherlock Holmes”. Visita www.interlingua.com/litteratura e www.interlingua.com/e-libros. Hospite: Thomas Breinstrup