 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 Holger AnderssonSvedia
Ma non erra: Il es possibile que ille non parla multo durante le sessiones, ma ille es le activista silente e le membro stabile e capabile, sempre supportante interlingua e sempre preste a offerer su adjuta quando besoniate. Holger Andersson nasceva al Die de Interlingua, le 15 de januario, in 1928 in un familia ric de infantes – immediatemente sub le medietate – in le urbe industrial Sundbyberg al nord del capital Stockholm. Ille apprendeva leger e memora specialmente le sagas del deos nordic, e pois ille continuava per sex annos in le schola obligatori. Post isto sequeva quatro annos in le schola real, que esseva le continuation. In le 1-me classe ille apprendeva germano, in le 2-nde anglese e in le 3-tie e 4-te francese, finiente con le examine real in 1945, al anno ubi le Secunde Guerra Mundial finiva. Post alcun septimanas ille habeva un empleo in un officio del imprimeria Esselte. Ille haberea amate continuar studiar, ma le moneta non sufficeva. In vice Holger Andersson se inseniava scriber a machina e continuava in le vesperes con studios de anglese. Post le servicio militar obligatori al artilleria costal ille cercava un empleo como jornalista. Pro poc moneta ille comenciava como voluntario al agentia de novas FLT, ante que ille quatro annos plus tarde cambiava a Tidningarnas Telegrambyrå, ubi ille laborava pro 13 annos. Al fin veniva 25 annos in Sveriges Radio (Radio Svedia) con labor al stationes in le provincia, coperiente i.a. autoritates e tribunales in Stockholm. In 1957 Holger Andersson maritava Rigmor, qui anque ha essite un fidel participante sempre ingagiate in conferentias e incontros. Illes ha ora duo infantes e duo graninfantes. Un die in le annos 1980 Holger Andersson visitava un antiquariato in le parte vetere de Stockholm, Gamla Stan, e studiava un libro russe – "sin saper proque, io non cognosce russo!" Le titulo esseva "Opredelitel yazikob mira po pismennostyam", e illo contineva parve textos in 273 linguas. Le precio esseva solmente duo coronas, e Holger Andersson lo cmprava. Le ultime linguas esseva volapük, esperanto, ido, interlingua e ocidental. Ille esseva interessate e maestra ora ben interlingua lo que ille demonstrava quando on le persuadeva a recenser le "Cinque aventuras de Sherlock Holmes" in Panorama in 1997. Holger Andersson anque esseva inter le tres finalistas in le concurso litterari que le Union Mundial pro Interlingua arrangiava in 1995. Ille presentava le novella "Le designo" per Hjalmar Söderberg. Revidite: 2006-12-29 |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
Con un profession como radio-jornalista, il es quasi contradictori que Holger Andersson, Enskede in Svedia, es le activista silente qui participa sempre in le incontros nordic de interlingua e le conferentias international de interlingua ma sin facer grande ruito super su persona.