Le homine del anonymitate

Hugh E. Blair esseva le homine anonyme detra un grande parte de interlingua. Qui esseva ille? Con le adjuta de su filio e filia il ha finalmente essite possibile pinger un portrait de ille. Lege plus

Un visita al Servicio de Libros UMI

Un ancora grande parte del litteratura in interlingua existe gratias al facilia Goudkuil, in le qual papa Frits gundava le imprimeria que deveniva le Servicio de Libros UMI. Lege plus

Reclamo pro interlingua

Saccos, tascas, tassas... Isto es solmente alcun exemplos de merces que contine reclamos pro interlingua. Le conferentias international pro interlingua ha generate un selection. Vide le photos. Lege plus

Interlingua in le posta

Qui pote adjutar con informationes super iste stampa postal de interlingua? Lege plus

Mi prime contacto con interlingua

Le narrationes de como occurreva le prime contacto con interlingua es fascinante. A vices le interessatos ha passate obstaculos incredibile pro trovar un adresse de information, in altere casos esseva pur fortuna. Un serie de usatores de interlingua narra lor historias. Lege plus

Contactos directe con
touristas e le gente local

Museos, municipios etc. usa interlingua pro lor brochures public, e le touristas mesme anque pote haber grande utilitate de interlingua pro obtener contactos con le gente local. Ora anque associationes touristic usa interlingua pro presentar se in Internet. Lege plus

Interlingua - forte, fructuose, futur

Interlingua e su organisationes se ha developpate e crescite durante le 50 annos. Hodie le lingua es un standard international, i.a. gratias al Internet, al inseniamento in le scholas de ministros futur, e al multe publicationes que appare in interlingua. Isto es un portrait de 50 annos con interlingua. Lege plus

Le clave lingual pro gymnasios

Experientias del gymnasio svedese monstra, como le alumnos per studios relativemente breve de interlingua obtene un clave incomparabile a lor lingua materne e a altere linguas. Le homine detra le initiativa, Ingvar Stenström, narra del resultatos surprendente. Lege plus

Clinica como base
de interlingua

Esseva como patiente in un clinica que Alice V. Morris esseva tanto capturate per le idea de un international lingua auxiliar e establiva le organisation que 27 annos plus tarde presentava interlingua. Lege plus

Interlingua - standard international

Gratias al labor de professor Eugen Wüster, le patre del standardisation del terminologia scientific, interlingua ha habite un rolo importante in le Organisation de Standardisation International (ISO). Interlingua ha su proprie indicator international.
Lege plus |  Biographia de Eugen Wüster

Agente designate in e pro interlingua

Bandas designate es un maniera de capturar specialmente le juvenes - e specialmente quando le artista mesme es un juvene, qui produce su obra in interlingua. Lege plus

Felicemente le policia non veniva...

Qui altere que le daneses pote haber le idea de instruer interlingua sedente in un Skoda blanc in le centro de Copenhagen detra fenestras coperite per ros. Un tradition special ha existite desde 1992. Lege plus

Portrait del organisationes national

Le UMI es representate in cinque continentes. In certe paises per representantes, in altere paises per organisationes, cuje historia in se es longe. Lege plus

Calor cypriota e articulo danese
aperiva le porta a Norvegia

Le cofundator e prime presidente del Union Norvegian pro Interlingua, Åsmund Knutson, narra super le estranie entrata de interlingua in Norvegia. Lege plus
  
Altere ligamines nordic: Qui esseva a qual postos in le organisationes scandinave pro interlingua? Reguarda le listas del consilieros danese e del consilieros svedese.

Del theorias de interlingua

Benjamin Lee Whorf e grammatica universal
René Descartes super le question de un lingua universal

Le pioneros imprimeva materiales in casa

Le motores detra interlingua in 1952

Le arte celate in cassas postal

Organisation sin statutos

Cognite lingua computatorial in interlingua

Lingua secrete de agentes in TV

Timbros popular in interlingua

Interlingua a exposition mundial



Le ex-ministro danese pro le ambiente, Svend Auken, es inter le multes, qui ha apprendite interlingua in le schola.

"Hodie es un die de Tuborg", on scribeva - in interlingua - quando le bireria del mesme nomine celebrava se mesme in grande annuncios in jornales danese in 1963. Lege plus

Le Societate Svedese pro Interlingua pote esser fer de esser probabilemente le sol organisation de interlingua que ha succedite haber un integre branca professional como membros. Durante le presidentia de Bertil Palmquist, omne stenographos del parlamento svedese, Riksdagen, esseva membros del SSI.

Le nomine interlingua es mentionate pro le prime vice, quando le grande jornal parisian Le Figaro le 4 de octobre 1947 publicava un interview per Robert Bruyez con un del collaboratores francese del IALA, professor Jean-Paul Vinay, plus tarde professor in linguistica al universitate de Montréal, Canada. Le articulo se appella "'L'interlingua' sera-t-elle demain la langue officielle de tous le peuples?"
Lege le articulo ci

Elleore, le parve insula in le Fiord de Roskilde, Danmark, ha desde 1962 habite interlingua como lingua official. Elleore esseva in 1944 tornate in un regno con proprie zona temporal, proprie moneta e timbros, proprie historia - e proprie lingua. Inter le professores del Gymnasio de Østersøgade qui comprava le insula, esseva le prime vice-presidente e initiator del Union Danese pro Interlingua, Hans Neerbek. Elleore es area protegite e non habitate durante 51 septimanas per anno. In le ultime septimana - in julio - le populo entra al insula. Elleore edita su proprie timbros, plures con texto in interlingua.