Organisation sin statutos

Mesmo si le Societate Britannic pro Interlingua ha essite un del motores pro interlingua desde 1956, le organisation ha nulle statutos.

Per Thomas Breinstrup

Le Societate Britannic pro Interlingua esseva fundate in 1956 e esseva durante decennios per su collaboratores activissime un del ver motores pro le promotion de interlingua.

Ma curiosemente le societate non ha jammais habite statutos.

"Totevia, de tempore in tempore, organisationes que face listas de societates como le nostre, me demanda detalios de nostre fines e altere factos," explica Brian C. Sexton, le secretario del Societate Britannic pro Interlingua. "Io invia un documento simile al sequente."

THE AIMS OF THE BRITISH INTERLINGUA SOCIETY

1. To promote the Interlingua mainly in the United Kingdom but elsewhere if required.
2. To inform the public of the existence and purpose of the Society, to publish books, magazines and other publications for this purpose.
3. To furnish the means for learning Interlingua.
4. To liaise with the international body promoting Interlingua, the Union Mundial pro Interlingua, and act as its representative in the United Kingdom.

Le version in interlingua sona assi:

LE SCOPOS DEL SOCIETATE BRITANNIC PRO INTERLINGUA

1. Promover interlingua, primarimente in le Regno Unite ma altere locos si necessari.
2. Informar le publico super le existentia e fines del Societate, publicar libros, magazines e altere publicationes pro iste fines.
3. Fornir le medios pro apprender interlingua.
4. Esser le ligamine al corpore interlingua que promove interlingua, le Union Mundial pro Interlingua, e ager como su representation in le Regno Unite.

Revidite: 2006-12-29 .

Redaction: Th. Breinstrup, Ingvar Stenström e Jesper Olsson
Copyright © 2001-2007 Union Mundial pro Interlingua