 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 Peter BerwickGrande Britannia
Su interesse de interlingua comenciava in le 1970s. Su talento pro organisar mesmo le minime detalio esseva un avantage in su labor como tresorero. Sempre, le ordine del contos esseva superbe. E, como un ver scoto, nulle moneta superflue esseva usate. Ille esseva sempre un gentilhomine, silente de statura ma sempre correcte. Ille participava in quasi omne conferentias de interlingua, desde que on reestabliva le tradition in Sheffield, Grande Britannia, in 1983 e usque a 1993 in Borne, Nederland (ubi le photo esseva prendite). Pois su sanitate non le permitteva participar plus. Peter Berwick ascoltava sempre ma non se misceva in le debattos. Quando on le adressava, ille sempre esseva surridente e respondeva in interlingua perfecte con un charmante accento britannic. E durante le excursiones ille esseva diligente con su camera photographic. Peter Berwick esseva durante un periodo le responsabile del Societate Britannic pro Interlingua pro le vendita de libros. Ille anque dava consilios de valor, quando le "Concise English-Interlingua Dictionary" (editate 1987) esseva compilate. Peter Berwick colligeva inter 1975 e 1980 le litteras A-B del obra, plus tarde - e ante su publication - revidite. On audi su voce legente "Post mille annos", un conto futuristic per H.C. Andersen, al cassetta que appareva in 1990, registrate durante le 9-ne Conferentia International de Interlingua in Zwolle, Nederland, un anno in avantia. Peter Berwick cadeva morte al strata in Edinburgh, Scotia, ubi ille habitava. Ille habeva recuperate ab un caso de tubercolose, que le fortiava a abandonar su tresorato usque al fin de 1997, quando ille lo habeva reassumite. |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
Peter Berwick, le tresorero del Societate Britannic pro
Interlingua, nasceva le 25 de augusto 1928 in Birmingham. Post haber graduate con le
optime examine in Classicos ab le Collegio Jesus in Cambridge, ille studiava scientia
bibliothecari al Birmingham Library School. Su posto pro le vita esseva como catalogisator
al Universitate de Edinburgh, ubi ille esseva i.a. responsabile pro le computatorisation
del catalogo.