|
 |
Henry Fischbach
Statos Unite de America
Nascite: (non cognite)
Henry Fischbach esseva con Alice Morris Sturges e Alexander Gode inter le tres fundatores del american Interlingua
Institute in 1970.
Ille nasceva in Vienna, iva al lyceo francese in Belgica e ganiava su examine in
linguistica comparative e continuava studiar al Universitate Columbia, SUA. Ille ha essite
involvite in traductiones scientific e technic pro plus que 50 annos, inclusive plure
annos con le governamento american in su operationes transatlantic de novas e articulos.
Henry Fischbach esseva in le fin de januario 1998 eligite nove presidente del instituto
pro le secunde vice, substituente Deanna L. Hammond, qui moriva
le 11 de octobre 1997 de cancere pancreatic, solmente 55 annos de etate. Deanna L. Hammond
le substitueva, quando ille voleva liberar se del posto como presidente.
Intertanto ille ha continuate como membro del directorato del Interlingua Institute ma
retornava ora como presidente usque al fin del instituto in 2000.
Henry Fischbach recipeva membrato honorari per le Association de Traductores American
(ATA) pro su initiativa de cofundar le association, e ille esseva eligite vice-presidente
del Federation International de Traductores, serviente anque como co-presidente de su
Comité de Traductores Technic e Scientific. Henry Fischbach esseva membro del Association
de Scriptores Medic American e del le Societate Chimic American. Ille ha scribite plure
articulos pro jornales professional e participate in discussiones super traductiones
scientific e medic. In le prime dies del Nationes Unite, ille contribueva al compendio de
UNESCO super traductiones scientific-technic e plus tarde al official discussiones
preparatori al adoption del "Recommendation de Nairobi" pro promover le derectos
e qualificationes de traductores. Pro su servicio al profession, ille recipeva le Medalio
Alexander Gode del ATA, nominate secundo le ultime director de recercas del International
Auxiliary Language Association, que in 1924-1951 elaborava interlingua. Ille anque ha
recipite le "Goldene Ehrennadel" (Agulia Auree de Laude) pro "meritos
exceptional".
Henry Fischbach es proprietario e director de The Language Service, un firma que desde
1950 livra traductiones scientific e technic ab francese, germano, espaniol e portugese.
Ille prepara un comprehensive dictionario medical francese-anglese in collaboration con
William Gladstone. |
|
|
