 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 Józef KwasniakPolonia
Le posto ha essite vacue desde le morte subite de Jerzy Dembicki in julio 2000. Józef Kwasniak debe collaborar con Pawel Wimmer, le informator de interlingua, pro organisar interessatos de interlingua in Polonia in un ver organisation national. Józef Kwasniak, qui vive in Polonia in le village Czaniec 20 kilometros al sud de Oswiecim (Auschwitz), nasceva le 13 de januario 1955 in Kety, Polonia, e comenciava in 1962 le schola. Desde 1970 a 1975 ille continuava su education in un schola technic proque ille voleva esser un electrico. "Mi prime contacto con interlingua era in 1974 gratias a un articulo de Miroslaw Wiechowski publicate in un revista polonese, Radar. Desde iste tempore io non cessa interessar me de interlingua ben que il ha periodos quando io non pote dedicar multe tempore a iste interesse," Józef Kwasniak narra. In le mesme anno ille apprendeva interlingua e deveniva membro del UMI. "Io era sempre interessate in linguas estranier, specialmente anglese e espaniol. Interlingua me permitteva comprender anque portugese, francese e italiano," Józef Kwasniak narra. Ille participava in le 10-me Conferentia International de Interlingua in Helsingborg, Svedia, in 1991 insimul con le representante de interlingua de alora, Kazimierz Gebarski. Desde 1975 a 1992 Józef Kwasniak laborava como electrico e studiava parallelmente le lingua anglese. In 1992 ille comenciava laborar como traductor e interprete de anglese (documentation technic e correspondentia commercial), e in le anno 2000 ille aperiva su proprie officio de translationes technic. Józef Kwasniak es maritate con Krystyna, qui es bibliothecaria. Le copula ha cinque filios e tres filias. Alicun del filios ama studiar linguas estranier. Revidite: 2006-12-29 |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
Le prime passo a un organisation active de interlingua in Polonia
esseva prendite per le appunctamento de Józef Kwasniak como representante del