Gunnar Ljusterdal

Svedia
Nascite: le 1 de martio 1931
Morite: le 3 de julio 2018

Le moustache es characteristic, su capello anque. E su charme e sapientia non lassa ulle dubita. Ci sta le recognoscite redactor in chef del septimanal le plus curiose in le mundo, Grönköpings Veckoblad. Illo describe le vita de un societate non existente ... e appare cata mense.

Gunnar Ljusterdal esseva le nomine, redactor in chef durante plus que 20 annos - inter 1977 e 1999 - e pois ancora scriptor del editorial del influential magazin satiric svedese.

Gunnar Ljusterdal con le agradabile humor e sempre in bon humor nasceva in 1931 in Munkfors in Värmland, e post studios lingual in le Universitate de Uppsala e su examine ab la in 1950 ille laborava como jornalista a Dagens Nyheter, Västmanlands Läns Tidning e UNT. In 1952 ille deveniva stenographo del parlamento svedese, Riksdagen, e assi parte del tote branca de sex personas, qui omnes es membros del Societate Svedese pro Interlingua. Como stenographo, ille laborava 37 annos – usque a su pensionamento in 1989 – in le parlamento e assi sedeva usque a cinque horas del matino pro notar tote lo que esseva dicite.

In le parlamento, ille anque developpava le redactor in se pro Grönköpings Veckoblad. Ille esseva scriptor al jornal satiric desde 1971, e in 1977 ille deveniva su redactor in chef. Durante annos - usque 1999 - ille piccava le vita politic svedese per su satira, e le septimanal mensual anque de tempore in tempore publicava poemas in le "lingua" transpiranto, un satira al incomprensibile lingua de un nomine similar. Le redactor diceva con humor: "Le pejor es que il ha rarmente novas de Grönköping. Le melior es que altere novas sovente resimila a illos de Grönköping."

Gunnar Ljusterdal cambiava domicilio ab Uppsala a Särdal, al nord de Halmstad (in le region Halland) post su pensionamento del stenographia in 1989. Ci ille habitava usque su morte in 2018 con su amabile sposa Britta Rendahl-Ljusterdal, qui es artista de textiles, e con qui ille ha le filio Hans. Le duo participava i.a. al 12-nde Conferentia International de Interlingua in Praga in 1995. Ille ha postea date visitas a plure incontros nordic de interlingua.

E alora ille ha cinque dies per septimana scribite un verso satiric pro Västmanlands Läns Tidning ... desde 1961!

Gunnar Ljusterdal recipeva in 1982 le Grande premio jornalista e in 1983 le stipendio cultural del parlamento regional de Uppsala. 

Su interesse pro linguas comprehende desde su juventute interlingua que ille apprendeva e supportava durante tote su vita. Le Societate Svedese pro Interlingua (SSI) le faceva membro honorari.

Gunnar Ljusterdal esseva sepelite le 3 de augusto 2018 al Ecclesia de Harplinge.

Revidite: 2019-02-06

Redaction: Th. Breinstrup, Ingvar Stenström e Jesper Olsson
Copyright © 2001-2019 Union Mundial pro Interlingua