|
 |
Valentin Pessenko
Russia
Nascite: (non cognite)
 Le prime representante de interlingua pro Russia, dr. phil. Valentin
Pessenko, Rostov na Donu, es un homine active e linguisticamente interessate.
Valentin Pessenko, qui al entrar del posto in 1993 habeva 51 annos, insenia philosophia
social occidental e philosophia historic al facultate philosophic e al Instituto pro
Education del Scientias Moral del Universitate Rostov na Donu, ubi su filia anque studia.
In ultra ille es presidente del recentemente fundate Societate Albert Schweitzer in Rostov
na Donu, membro del Societate Estranier Rheno-Westfalic in Dortmund, Germania, e del
Centro International pro Innovation Social in Vienna, Austria.
Valentin Pessenko se interessa pro linguas estranier, litteratura, arte e viages. Ille
cognosce germano, anglese e un poco de polonese e comenciava interessar se pro interlingua
pro acquirer nove informationes, e proque ille non cognosceva ulle lingua romanic. Su
scopo como representante esseva primarimente ager como un sorta de coordinator inter le
multe interessatos.
Ille debeva quitar le posto a causa de troppo de altere labores, e ja in le fin de 1995
ille lo passava al juvene Victor Chernavsky, le representante de interlingua le plus
juvene usque alora. |
|
|
