|
 |
Mi prime contacto
con interlingua
Panorama ha demandate a un serie de usatores de interlingua, como esseva lor prime contacto con le lingua. Lor narrationes es instructive, a vices curiose, surprendente e amusante.
(Publicate in Panorama in Interlingua, julio-augusto 2002)
FERENC JESZENSZKY (Hungaria), representante de interlingua
pro Hungaria:
In un libreria io trovava un libro le qual me pareva interessante. Illo era scribite per le professor István Szerdahelyi (1924-1988) del Esperanto al Universitate de Budapest, e su titulo era "Ab Babel usque al lingua mundial". Illo dava un bon panorama de tote le linguas construite, con textos demonstrative. Previemente io habeva alicun cognoscentias de Esperanto e Ido, ma io non era contente de illos. Io studiava le libro e io trovava que Interlingua es le lingua construite le plus excellente. Inter le photos que ornava le libro un pagina de nostre ancian
Currero se trovava, con le adresse del "Information Interlingua". Io lo scribeva un littera (in Esperanto), e nostre car amico
Bent Andersen (ex-administrator danese del Union Mundial pro Interlingua,
red.) me respondeva multo gentilmente. Io poteva leger le textos immediatemente, e scriber un littera in Interlingua in tres dies.
Revidite: 2006-12-29 |
|
|
