|
 |
Richard W. Sorfleet
Canada
Nascite: 17 de januario 1951
 Interlingua ha solmente duo dies plus que
Richard W. Sorfleet, representante canadian de interlingua desde le estate 1992.
Ille, qui nasceva in Grande Britannia, es un diligente scriptor a plure magazines de
interlingua, i.a. al Panorama, ubi ille
contribue sovente e sempre con articulos de qualitate e de interesse general. In ultra,
ille ha representate interlingua in Canada durante multe annos e actualmente – post
un pausa – essaya reestablir le Union Canadian de Interlingua. Como tal, ille durante
plure annos editava le magazin Vias Boreal que deveniva plus tarde un magazin electronic;
ma illo cessava ante alcun annos. Isto totevia non significa que Richard W. Sorfleet non
es active pro interlingua. Ille labora intensivemente con le promotion del lingua.
Ille es empleate in le Fortias Armate Canadian, ubi ille i.a. ha instruite anglese como
secunde lingua desde 1976 al base militar in Saint-Jean. Su interesse pro linguas
comprehende studios universitari de espaniol e russo e un curso de germano e tcheco. Su
interesse pro interlingua ha durate durante plus que 20 annos. |
|
|
