Willem Jacob Visser
Nederland
Morite: le 16 de maio 1991
Willem Jacob Visser esseva durante le ultime annos ante su morte in 1991 membro del
Societate Interlingua-Nederland post que ille durante multe annos habeva laborate pro unir
le uniones del differente linguas auxiliar: ido, esperanto, occidental-interlingue e
interlingua.
In le annos 1970 ille editava su magazin "Union" cata tertie mense. In illo
ille usava su proprie Eurolatin, un variante de interlingua, como lingua redactional ma
publicava adresses, opiniones e extractos de omne usatores de linguas auxiliar e lor
periodicos.
"Le interlinguistas del tote mundo debe devenir amicos," esseva su motto, e
per su magazin ille certo contribueva al melior comprension. Visser esseva le diplomato
interlinguistic, essente mesme representante de ido in Nederland e plure annos plus tarde,
dunque, membro del Interlingua-Nederland.
Ille moriva in le etate de 76 annos. |
