|
 |
 Statutos
pro le
Union Danese pro Interlingua
DIU |
Dansk Interlingua Union esseva fundate le 7 de novembre 1960
como le prime organisation nordic de interlingua.
Adresse in Internet:
www.interlingua.dk |
1) Dansk Interlingua Union (DIU), establite in 1960,
labora pro le cognoscentia al e diffusion del lingua international, interlingua.
2) DIU collabora con le Union Mundial pro Interlingua (UMI), e le
membrato del DIU comprehende abonamento al magazin international del UMI. Cata membro del
DIU es automaticamente anque un membro del UMI, a minus que isto non es desirate.
3) Le consilio del DIU consiste de septe membros. Le consilio
appuncta ex su medio un presidente, un vice-presidente, un secretario e un tresorero. Le
appunctamento del consilio del postos es communicate in le magazin de membros del DIU.
4) In annos impar quatro membros del consilio es a eliger, in
annos par le remanente tres. Le consilio se constitue cata anno. Candidatos al postos es
communicate in le magazin de membros del DIU, que anque publica le resultato del votation.
5) Le tresorero debe ante le consilio presentar conto del economia
de DIU ante le 1 de april.
6) Le consilio se assembla al minus un vice per anno, ubi omne
themas (inclusive propositiones ab le membros) pote esser considerate e discutite. Le
incontro es annunciate al plus tarde un mense in avantia, e le consilio forma quorum al
presentia de al minus tres consilieros. Totevia, le decisiones sempre debe ir a votation
in scripto, si non un majoritate presente (al minus quatro) vota pro.
7) Le Union Danese pro Interlingua con placer accepta membros, qui
habita extra Danmark, si un independente organisation national non ancora ha essite
establite al loco in question.
8) Al minus 25 membros pote a un qualcunque tempore in scripto
demandar iste statutos negotiate e eventualmente inviate a votation inter omne membros.
Assi approbate le 15 de septembre 1997
Jørgen Kofod-Jensen, presidente.
Bent Andersen, vice-presidente.
Levi Pedersen, tresorero.
Thomas Breinstrup, secretario.
Arne Pedersen.
Klavs Neerbek.
Peter Gravers Nielsen. |
|
|
