|
 |
Le UMI: Presidentes e
secretarios general
Le posto como presidente del UMI esseva vacue post le morte de Alexander Gode in 1970.
Le labor practic esseva ponite in le secretariato general, e solmente durante le 11-me
Conferentia International de Interlingua in Borne, Nederland, in julio 1993 esseva
appunctate un nove presidente, Leland B. Yeager ab le SUA. Ille totevia besoniava alcun
menses pro considerar le offerta, proque ille debeva finir duo libros de economia ante de
retirar se como professor universitari.
Le statutos del Union Mundial pro Interlingua (UMI) esseva revidite in junio 1992 pro
obtener un organisation plus moderne e plus efficace. Le nove statutos assecura plus de
collaboration international e fortifica le gerentia del organisation.
Iste statutos esseva le resultato del labor de un commission special, dirigite per Ton van
den Berg, burgomaestro del urbe nederlandese Heino e presidente del Societate
Interlingua-Nederland. Le statutos esseva acceptate per omnes minus un consiliero del UMI.
Intra tres annos le representationes national de interlingua debeva conformar se al
statutos. Illos fixava que le UMI es un "organisation international, sin scopos
lucrative, cuje fin es le promotion e le diffusion de interlingua", describite como
"le lingua international publicate in 1951 per le International Auxiliary Language
Association (IALA)'". In
septembre 2022 le statutos esseva cambiate de novo. Le Consilio
Executive e le Consilio General del UMI esseva unificate in un nove
Consilio de Administration (de usque 9 membros) que es responsabile pro
le labor quotidian e strategic del UMI, e desde alora omne interessatos
es membros directe del UMI, lo que non antea esseva possibile. Le 2 de
novembre 2022 esseva eligite le prime Consilio de Administration
durante le prime assemblea general del UMI secundo le nove statutos.
Le UMI functiona anque como un cappello pro organisationes national. Le UMI debe incoragiar e
assister a nove organisationes national, promover libros de studio, manuales, brochures e
revistas in interlingua, organisar conferentias e dar informationes super le lingua.
Le
Consilio de Administration consiste del presidente, del secretario
general, del vice-secretario e del tresorero plus consilieros ordinari.
Illes es eligite pro un periodo de tres annos secundo un scheda rolante. Revidite: 2022-11-20 |
|
|
|
|
|
| FACTOS |
|
Presidentes
Alexander Gode-von Aesch, SUA (1955-1970)
(Vacue 1970-1993)
Leland B. Yeager, SUA (1993-1999)
Jesper Olsson, Svedia (1999-2001)
Barbara Rubinstein, Svedia (2001-2010)
Sven Frank, Germania (1 de nov. 2010-31 de decembre 2014)
Alix Mahé-Potet, Francia (14 de nov. 2015-31 de dec. 2019)
Madeleine Mahé, Francia (1 de jan. 2020-) (reeligite le 2 de nov. 2022 secundo le nove statutos)
Secretarios general
André Schild, Suissa (1955-1958)
Ric Berger, Suissa (1959-1963)
Alexander Gode-von Aesch, SUA (1964-1970)
Karel Wilgenhof, Nederland (1970 - 1982)
Frank Esterhill, SUA (1982-1989)
Ferenc Jeszenszky, Hungaria (1989-1991)
Piet Cleij, Nederland (1991-2005)
Petyo Angelov, Bulgaria
(2006-28 de septembre 2008)
Sven Frank, Germania (28 de septembre 2008-1 de novembre 2010)
Carlos Soreto, Portugal (1 de nov. 2010-15 de april 2012)
Petyo Angelov, Bulgaria (15 de april 2012-6 de maio 2012)
Paolo Castellina, Grande Britannia (6 de augusto 2012-30 de septembre 2014)
Julian Mendez, Argentina/Germania (1 de octobre 2014-) (reeligite le 2 de nov. 2022 secundo le nove statutos)
Vice-secretarios
Bent Andersen, Danmark (1970-1989)
Ferenc Jeszenszky, Hungaria (1989-1991)
Ramiro B. Castro, Brasil (1992-1999)
Emerson José Silveira da Costa, Brasil (1999-2005)
Piet Cleij, Nederland
(2006-2009)
Martijn Dekker, Nederland (15 de septembre 2009-) (reeligite le 2 de nov. 2022 secundo le nove statutos)
Administration/ tresorero
Bent Andersen, Danmark (1970-1994)
Louise Delnoy-Sijstermans, Nederland
(1994-2006)
Alberto Mardegan, Italia/Finlandia
(1 de januario 2006-) (reeligite le 2 de nov. 2022 secundo le nove statutos) Consilieros ordinari
Thomas
Breinstrup, Danmark (1 de januario 2006-) como redactor in chef del
Panorama in interlingua (reeligite le 2 de nov. 2022 secundo le nove
statutos)
Barbara Rubinstein, Svedia (2 de novembre 2022-) |
|
