 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 H.P. FrodelundDanmark Post 19 annos como le danese redactor in chef del Currero, le organo official del Union Mundial pro Interlingua, H.P. Frodelund se retirava ab un vita active como publicista in 1984. Ille deveniva redactor in chef in januario 1966, con le tertie edition de Currero in le nove serie post que Alexander Gode in 1964 lo assumeva a causa de un crise. Ja in su tempore con interlingue-occidental Frodelund usava su facultates como redactor, e quando ille deveniva active pro interlingua, ille continuava scriber e rediger. Ja ante que le "Interlingua-English Dictionary" appareva in 1951, H.P. Frodelund habeva contacto con le "International Auxiliary Language Association" (IALA), al qual ille se adressava immediatemente post le fin del Secunde Guerra Mundial, durante que André Martinet gereva le labor linguistic. Pois que il non habeva possibilitates durante le guerra usar un lingua international, ille studiava ido, novial etc., usque ille post le guerra de novo poteva laborar con primo occidental, pois con interlingua. Ab januario 1964 a maio 1971 ille redigeva Actualitates, le periodico del Union Danese pro Interlingua (DIU). Ille assi succedeva rediger plure magazines al mesme tempore usque 1971, quando Jørgen Kofod-Jensen deveniva redactor del Actualitates. In numero 38 del Currero ab 1974 appare le rubrica "Novas de Interlingua" secundo desiro del participantes in le conferentia international de interlingua in Norwich, Grande Britannia. On desirava novas actual - un carga que non esseva estranier pro H.P. Frodelund. Durante duo annos, 1964-1965, ille habeva redigite le magazin Novas de Interlingua, fundate per Alexander Gode. Le labor professional de H.P. Frodelund esseva le education del arte de leger pro infantes dyslectic. Ille esseva membro del consilio del UMI durante 19 annos usque le initio de 1992, quando ille se retirava de su posto e simultaneemente como consiliero del Union Danese pro Interlingua (DIU), ubi ille habeva participate desde novembre 1963. H.P. Frodelund ha editate le grande "Dansk-interlingua ordbog" (Dictionario danese-interlingua), publicate in 1989, e le libro "Septe Contos de Hans Christian Andersen", publicate in 1975. |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
