Victor Sitnichenko

Ukraina
Nascite: le 31 de julio 1941

Le vice-presidente del Societate Ukrainian de Interlingua (SUI), Victor Sitnichenko, es vice-director del Instituto Ukrainian de Recercas Scientific de Utensiles in Odessa, Ukraina. Ille es un specialista eminente in le dominio del certification del qualitate industrial in Ukraina. Ille es maritate e ha un filio qui labora como mechanico naval e naviga a transverso del mundo. Su sposa, Nina, se passiona pro le viages e le antiquitate. Victor e Nina Sitnichenko vive con lor granfilia.

Victor Sitnichenko passa multe tempore in le viages de affaire essente le specialista remarcabile del certification. Ille ama arrangiar varie cosas e ha un experientia preciose in isto que ille usava i.a. pro promover interlingua in Ukraina.

Assi, le idea del communication international per medio de interlingua le placeva, e ille collaborava a organisar le Societate Ukrainian de Interlingua in martio 1994.

Post haber participate al Conferentia International de Interlingua in Praga in 1995, Victor Sitnichenko esseva si impressionate per le Conferentia pragese que le sequente anno ille laborava con placer al preparation del Prime Conferentia de Interlingua in Ukraina que se passava con successo in le estate de 1996.

Victor Sitnichenko ama viagiar, e cata congedo le copula Sitnichenko vade in alicun pais pro cognoscer le traditiones, cocina e locos interessante.

Revidite: 2001-07-11

Redaction: Th. Breinstrup, Ingvar Stenström e Jesper Olsson
Copyright © 2001-2007 Union Mundial pro Interlingua