 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
 |
|||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
|
|
 Richard ZimmermannSvedia Dr. med. dent. Richard Zimmermann, Överlida, esseva un ver pionero de interlingua. Ille remaneva active usque a su morte le die post su 96-te anniversario. Richard Zimmermann esseva le prime secretario e administrator del Societate Svedese pro Interlingua (SSI) ab le cambio del anno 1963-1964. Nascite in Dresden in 1899 ille studiava odontologia in Jena e deveniva doctor de mecidina dental in 1922. Post le annos dolorose de guerra ille veniva a Svedia, ubi ille laborava como dentista in Ullared, probabilemente attrahite per su amor pro le natura - forestes e montanias. Post le circular al interessatos, que significava le nascentia del Societate Svedese pro Interlingua le 1 de januario 1964, ille collaborava con ingeniero John Nordin e le hodierne secretario del SSI, Ingvar Stenström, super le prime campania de labor pro facer interlingua cognoscite inter academicos - al tempore le sol dominio de action a causa del manco de manuales. Richard Zimmermann continuava usque al annos novanta esser active pro interlingua. In 1989 appareva le manual de Ingvar Stenström, "Interlingua - instrumento moderne de communication international" in germano, gratias al labor de Richard Zimmermann, un traduction que Peter Liebig del ancian RDG completava. Le SSI le faceva membro honorari in 1988. |
|
|
|||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||
| |
|||||||||||||||||||||||||||||||||||||||||||||||||||||||||||||||||||||||||||||||
Redaction:
Th. Breinstrup, Ingvar Stenström e Jesper Olsson |
|||||||||||||||||||||||||||||||||||||||||||||||||||||||||||||||||||||||||||||||
